Музей

Герой книга

10.12.2020

                    Герой оло5ун суола                  

  Саха АССР культуратын үтүөлээх үлэһитэ,Ем.Ярославскай аатынан республикатааҕы  журналистскай бириэмийэ лауреата,ССРС радиотын бочуоттаах үлэһитэ,ССРС Журналистарын союһун чилиэнэ.  Советскай Союз Геройа Николай Алексеевич Кондаков Бүлүү оройуонун Дьөккөн нэһилиэгэр Булгунньахтаах диэн сиргэ 1920 сыллаахха от ыйын 12 күнүгэр төрөөбүтэ.1928 сыллаахха Мундугучча диэн сиргэ оскуола аһыллыбытыгар дьонноро онно үөрэттэрэ биэрэллэр. 4 кылаастаах оскуоланы ситиһиилээхтик үөрэнэн бүтэрбитэ. 1 кылааска, кинини кытта бу кэмҥэ, Илбэҥэттэн кэлэн ССРС народнай учуутала Алексеев М.А. үөрэммитэ. Дьөккөн начальнай оскуолатын бүтэрэн салгыы Хампа5а үөрэнэ барбыта.Хампа оскуолатын бүтэрэн баран ,учуутал идэтин ылар баҕалаах Бүлүүтээҕи педагогическай училищеҕа үөрэххэ киирбитэ.Училищеҕа үөрэнэр кэмигэр комсомольскай үлэҕэ,атын ыытыллар агитационнай-маассабай үлэлэргэ активнайдык кыттыбыта.1939 сыллаахха үөрэҕин бүтэрэн Хампа5а учууталлыы  тахсыбыта.1942 сыллаахха 22 саастааҕар сэриигэ барбыта.Армияҕа тиийээт,дивизия,батарея  комсомольскай тэрилтэтин чилиэнэ,батарея комсора буолбута.Саппаас полкатыгар сулуусубалааһын кэнниттэн артиллерийскай училищеҕа үөрэммитэ.

1943 сыл тохсунньутугар фроҥҥа барбыта.     Фроҥҥа бастакы бойобуой сүрэхтэниитин Кировоград куораты босхолооһуҥҥа кыттыбыта.

1944 сыл атырдьах ыйыгар 5-с гвардейскай армияҕа,1-кы Украинскай фронт састаабыгар киирсэр противотанковай 1073-с полк Одер өрүс кытыытыгар тиийиитигэр Николай Алексеевич старшай лейтенант званиелааҕа.1944 сыл атырдьах ыйын 14,15,16 күннэригэр Паранув туһаайыытыгар Стопниц, Конты-Стары диэн сирдэргэ өстөөх танканан кимэн киирэ сатаабыта,элбэх техникатын сүтэрбитэ.Бу хапсыһыыга Кондаковтаах батареялара  күүстээхтик утарылаһаннар өстөөхтөрү чугуппуттара.Фашистар элбэх сүтүктэммиттэрэ.Кыргыһыыга хорсунун уонна байыаннай сатабылын үрдүктүк сыаналаан,командование Н.А.Кондаковы «Кыһыл Сулус» орденынан наҕараадалаабыта.

   1945 сыл тохсунньу 25 күнүгэр  Одер өрүскэ буолбут кыргыһыыга элбэх хаан тохтуута тахсыбыта.Өстөөх түөрт күн 12-с төгүлүн танканан авиациянан,пехотанан атаакалаабыта.Төһө да бэйэлэрин батареяларыттан үгүс табаарыстарын,техникаларын сүтэрбиттэрин иһин өстөөҕү ыстаал ардаҕынан көрсө сыппыттара.Өстөөх авиациятын буомбалааһынын уонна артиллерийскай уотун аннынан Одер өрүһү Деберн оройуонунан маҥнайгы батарея огневой взвода пушкаларын соспутунан аан бастакынан туораабыттара.Өстөөх уоту аһар 6 пулеметын уонна 60-ча гитлеровецтары кыдыйан Фишбах дэриэбинэни,плацдармы ылбыттара. Бу кыргыьыыга взвод командира старшай лейтенант Н.А.Кондаков правительственнай на5араада5а, Советскай Союз Геройун аатын иҥэрэргэ түһэриллибитэ.Ол эрэн оччолорго бу үрдүк наҕарааданы ылбатаҕа. «Кыһыл Знамя» орденынан наҕараадаламмыта.Хочу такой сайт

Сэриигэ икки төгүл бааһырбыта.Польшаны,Чехословакияны босхолоспута.Буойун хорсун суолун Германияҕа түмүктээбитэ.

    Сэрииттэн эргиллэн кэлэн иһэн,Дьокуускайдааҕы педагогическай институкка таарыйан үөрэҕин  үрдэттэр баҕалаах киирэ сылдьыбыта.Үөрэҕин салгыыр баҕалаах Хампа оскуолатыгар учууталлыы тахсыбыта.Хампа оскуолатыгар  1 сыл учууталлаабыта. 1947 сыллаахха ССКП Бүлүүтээҕи райкомун пропагандиһынан үлэлээбитэ.  1948 сыллаахха «Колхоз суола» хаһыат эппиэттиир секретарынан үлэлээбитэ.Онтон ыла кини талааннаах суруйааччы,журналист быһыытынан биллэн барбыта.Маҥнайгы кинигэтэ 1963 сыллаахха С.Ф.Гоголев туһунан «Партия уонна норуот үлэһитэ» тахсыбыта.Онтон салгыы «Умнубат доҕотторум», «Аҕа сулуһа», «Саллаат суола оспот» диэн кинигэлэрэ тахсыбыттара.1949 сыллаахха Дьокуускай куоракка икки сыллаах уобаластааҕы партийнай оскуолаҕа үөрэммитэ.1950 сыл атырдьах ыйыттан   Саха АССР Министрдэрин Советын телевидениеҕа уонна радиоҕа биэрии комитетыгар  28 сыл устата үлэлээбитэ.

   Николай Алексеевич уһун ыарахан ыарыыттан 1979 сыллаахха ыалдьан өлбүтэ. 

 1990 сыллаахха  ыам ыйын 5 күнүгэр Бүлүү оройуонун ветераннарын советтарын,депутат А.С.Борисов туруорсууларынан  Н.А.Кондаковка Советскай Союз Геройун аата иҥэриллибитэ.

Наверх
На сайте используются файлы cookie. Продолжая использование сайта, вы соглашаетесь на обработку своих персональных данных. Подробности об обработке ваших данных — в политике конфиденциальности.

Функционал «Мастер заполнения» недоступен с мобильных устройств.
Пожалуйста, воспользуйтесь персональным компьютером для редактирования информации в «Мастере заполнения».